Киев очекува зелено светло од САД за безбедносните гаранции

Топ Вести - Слушај сега

Документот за безбедносни гаранции што Соединетите Американски Држави ѝ ги нудат на Украина е целосно подготвен, а Киев чека само да се утврдат датумот и местото за негово потпишување.

- Advertisement -

Ова денеска во Вилнус го изјави украинскиот претседател Володимир Зеленски, за време на официјалната посета на Литванија.

– За Украина, безбедносните гаранции пред сè значат гаранции од САД. Документот е целосно подготвен и сега очекуваме од нашите партнери да го потврдат кога и каде ќе се случи потпишувањето – изјави Зеленски пред новинарите.

По потпишувањето, договорот ќе биде доставен до американскиот Конгрес и украинската Врховна рада, каде што ќе треба да помине постапка за ратификација.

Зеленски во Вилнус оствари средба со литванскиот претседател Гитанас Науседа, на која биле разгледани прашањата за поддршка на украинскиот енергетски систем, зајакнување на воената соработка, како и заеднички одбранбени проекти.

Посебно внимание било посветено и на предлогот на Литванија за отворање платформа за извоз на оружје во Вилнус, како дел од пошироката поддршка за Украина.

Украинскиот претседател информирал и за неодамнешните средби меѓу украинската, американската и руската делегација во Абу Даби, нагласувајќи дека Киев продолжува со напорите за ставање крај на војната.

– Украина, како и досега, прави сè што е можно за да се постигне крај на војната – порача Зеленски.