Филипче повика на обединување: За да го победиме ова зло надвор, мора прво да бидеме челични внатре

Топ Вести - Слушај сега

„Знам дека во минатото имавме турбуленции. Знам дека имаше разочарувања. Некои си заминаа, некои се вратија, а некои сè уште стојат на прагот и калкулираат. Сакам денес да бидам кристално јасен. Вратите на СДСМ се ширум отворени за секој чесен социјалдемократ, за секој работник, за секој интелектуалец кој ѝ мисли добро на државата. За да го победиме ова зло надвор, мора прво да бидеме челични внатре “, порача Филипче.

- Advertisement -

Притоа претседателот на СДСМ Филипче рече дека партијата не е место за пазарење функции туку е армија на вредности.

 „Дозволете ми да испратам една порака до оние кои мислат дека можат да седат на две столчиња. До оние кои мислат дека можат да бидат во СДСМ, а да работат за интересите на власта, или да формираат фракции, нови движења и сето тоа само за нивни лични интереси. Тоа време заврши. Денес ставаме точка на разединувањето. СДСМ не е пазар за пазарење функции. СДСМ е армија на вредности. Кој сака да се бори рамо до рамо со нас добредојден е вистински, искрено, братски. Но, кој планира да нè поткопува од внатре, кој планира да биде „Тројански коњ“ на ВМРО или на некои други интересни групи нека си замине веднаш“ порача Филипче.

Линк до видео: https://www.youtube.com/watch?v=vrgTSbzeu7M