Трамп: Голема американска флота се движи кон Иран, ги следиме многу внимателно

Топ Вести - Слушај сега

Американскиот претседател Доналд Трамп изјави дека „голема флота“ на американските поморски сили се движи кон Иран и дека Вашингтон „ги следи многу внимателно“ таму.

- Advertisement -

„Имаме голема сила што се движи кон Иран. Подобро би сакал да не видам ништо да се случи, ги следиме многу внимателно… Имаме армада, имаме огромна флота што се движи во таа насока“, им рече Трамп на новинарите синоќа за време на летот на „Ер Форс Уан“, во видео објавено од Белата куќа.

Трамп додаде дека „можеби нема да мора“ да ја користи флотата и дека тоа сè уште не е утврдено.

На прашањето на новинарите дали би сакал врховниот лидер на Иран, ајатолахот Хамнеи, да се повлече или да оди во егзил, Трамп рече дека не сака да навлегува во тоа во моментов.

„Таму има многу убивање“, рече Трамп.

Тој додаде дека не се откажува од царините за компаниите што соработуваат со Иран.

„Ако соработувате со Иран, ќе имате царина од 25 проценти“, рече Трамп.