Вработените во Пошта денеска протестираат во цела земја револтирани од тоа што се уште не ја добиле платата

Топ Вести - Слушај сега

Вработените во Пошта денеска протестираат во цела земја револтирани од тоа што се уште не ја добиле платата.

- Advertisement -

Синдикатот кој го организира протестот вели дека ова не е прво доцнење на платата.

-Три, четири месеци доцни платата. Вработените се крајно револтирани и затоа што 60% од нив земаат минимална плата, и таа плата не ја земаат редовно. 1.700 вработени чекаат плата. Од нив 300  поштари на кои не им е регулиран статусот – изјави Сашо Димитриески, претседател на синдикалната организација на Пошта.

Тој вели дека протестите ќе траат додека платата не биде исплатена, а менаџментот ќе биде известен дека доколку следната плата не биде исплатена до 15 јануари, веднаш ќе се започне со протест, а не е исклучен и штрајк на сите вработени.

Димитриески, сепак рече дека проблемите со кои се соочуваат во секојдневната работа произлегуваат од долгогодишното лошо работење на Пошта. Тој информира дека е почнат процес на промена на организационата структура и систематизацијата во Пошта, но процесот оди бавно, а платите нередовно се исплаќаат.

Претседателот на ССМ, Слободан Трендафилов кој присуствуваше на протестот изјави дека луѓе блиски до раководството на Пошта им се заканувале на вработените да не излегуваат на протест.