Напад за време на прокурдски протест, двајца во критична состојба

Топ Вести - Слушај сега

Шест лица се повредени вечерва откако биле жртви на напад со нож на плоштадот пред Операта во белгискиот град Антверпен, каде во моментот се одржувал протест.

- Advertisement -

– Сите имаат убодни рани, а две од жртвите се во критична состојба, соопшти портпаролот на локалната полиција Ваутер Браунс.

Според него, полицијата привела два лица кои се осомничени за поврзаност со нападот.

– Полицијата успеа да уапси двајца осомничени кои, според првичните наоди, се измешале со демонстрантите, рече Браунс.

Четири од повредните лица се пронајдени на плоштадот пред Операта, а останатите две во две околни улици.

Полицијата засега нема детали за нападот, ниту за неговите мотиви.

– На местото на настанот се спроведува темелна истрага, вклучително и форензичка анализа, додаде Браунс.

Порталот „Сан“ објавува сведочење дека осомничените биле помешани со масата демонстранти на протестот посветена на Курдските прашања, што се одржувал на плоштадот.

„Протестот беше мирен, и штотуку завршуваше, кога се случи нападот. Наоколу имаше полиција и патролни возила, за да се осигура дека се ќе мине без проблем, и не очекувавме вакво нешто. Се створи целосна паника, луѓето бегаа во сите правци, беше ужасно“ – изјавил еден од демонстрантите за „Сан“.

Друг сведок рекол дека група луѓе поминувала низ толпата и одеднаш извадиле ножеви и почнале да ги бодат тие што седеле на скалите на зградата на Операта.