Традиција и чистота: Клубот за подводни дејности „Охрид” ја подготвува акваторијата пред Водици во Охрид (Фото/Видео)

Топ Вести - Слушај сега

Охрид – Во предвечерието на еден од најголемите христијански празници – Богојавление-Водици, клубот за подводни активности „Охрид” и оваа година ја одржува 30-годишната традиција на подводно чистење на градското пристаниште.

- Advertisement -

Предводени од познатиот хирург-уролог д-р Горан Балевски, членовите на клубот веќе три децении го чистат дното на пристаништето од секаков вид отпад што може да претставува опасност за капачите на Честниот Крст. Оваа хумана активност е израз на длабока посветеност кон традицијата и грижата за безбедноста на учесниците во празничниот ритуал.

Оваа година манифестацијата добива посебно значење со активното вклучување на Митрополит Дебарско-Кичевски г-дин Георгиј во сите подготовки за празникот. За прв пат во историјата на Охрид, највисокиот духовен претставник директно учествува во организацијата на овој значаен настан.

Иницијативата на клубот „Охрид” претставува совршен спој на традиција, хуманост и екологична свест, потврдувајќи дека грижата за природата и заедницата оди рака под рака со духовните вредности.

Подводното чистење е закажано за денот пред Водици, обезбедувајќи безбедна и достоинствена средина за прославата на овој светол празник на охридското езеро.

С.Денесовски