Објавена е видео снимка од моментот кога е скршено стаклото на вратата од бугарската амбасада во Скопје

Топ Вести - Слушај сега

Објавена е видео снимка од моментот кога е скршено стаклото на вратата од бугарската амбасада во Скопје.

- Advertisement -

Министерството за надворешни работи на Бугарија вчера го оцени тоа како напад извршен од непознато лице.

Министерството за внатрешни работи на Македонија информираше дека офицерот за безбедност на амбасадата, преку системот за видео-надзор, забележал дека едно лице оштетило стакло на влезната врата од дипломатското претставништво. Според досега утврденото, оштетувањето го извршило засега непознато лице, кое со удар со рака го оштетило стаклото од влезната врата, велат од МВР.

Од Министерството наведоа дека веднаш се преземени мерки и активности за целосно расчистување на случајот, при што се работи на утврдување на идентитетот на сторителот и на сите околности поврзани со настанот.