Бруклин Бекам побарал родителите да го контактираат само преку неговите правни застапници

Бруклин посебно нагласил дека не сака јавни изјави на родителите за него на социјалните мрежи. Сепак, тој истакнал дека е во редовен контакт со четири членови на семејството: бабите и дедовците од двете страни, односно, и со родителите на Викторија и со родителите на Дејвид.

Проблемите настанале откако Бруклин сметал дека медиумските изјави за неговата сопруга Никол Пелц Бекам, за време на летото биле „злонамерни“, вклучувајќи тврдења дека тој е „заложник“ под влијание на сопругата. Минатата есен, парот дури ги блокирал родителите, братот и сестрите на Бруклин на социјалните мрежи.

Личност блиска до семејството посочува дека Никол и Бруклин посакуваат мир и приватност и се надеваат дека формалната комуникација преку адвокати ќе помогне да се смири ситуацијата. Викторија и Дејвид сè уште сакаат да го обноват контактот со синот, а според изворот, искрено извинување од нивна страна е пресудно за повторно воспоставување на семејните односи.

Бруклин (26) и Никол (30) се венчаа во април 2022 година, но проблемите започнале уште при планирањето на венчавката, вклучувајќи недоразбирања околу венчаницата и медиумските коментари.