Две лица ранети од агент во акција во Портланд

Топ Вести - Слушај сега

Две лица се здобиле со прострелни рани откако агент на американската федерална служба отворил оган за време на акција во Портланд, соопштија властите. Инцидентот доаѓа само ден по убиството на 37-годишната Рене Гуд во Минеаполис.

- Advertisement -

Случајот со Гуд предизвика национални демонстрации против прекумерната употреба на сила.

Според Министерството за внатрешна безбедност, агенти на граничната патрола го запреле возилото на осомничени, но возачот се обидел да избега и да ги удри.

„Плашејќи се за својот живот, агент испукал истрел“, соопшти одделот.

„Возачот и патникот избегаа, но беа пронајдени со прострелни рани и се поврзани со венецуелската криминална организација Трен де Арагва.“

Полицијата во Портланд потврди дека маж и жена се хоспитализирани. Градоначалникот Кит Вилсон побара сите федерални операции во градот да се прекинат додека не се заврши истрагата.

– Не можеме да седиме мирно додека уставната заштита еродира и крвопролевањето расте. Портланд не е полигон за воени агенти – порача Вилсон.

Во вториот мандат на Доналд Трамп, политиката за депортации е заострена. Честите федералните рации, предзвикаа гнев кај дел од американските граѓани.