Работник почина по пад од зграда во Дебар

Топ Вести - Слушај сега

Жител на Дебар го загуби животот денеска претпладне откако паднал од станбена зграда во изградба, на која извршувал работни задачи. Мажот се здобил со тешки телесни повреди и починал на пат кон Општата болница со проширена дејност во Дебар.

- Advertisement -

Како што информира Стефан Димоски, портпарол на СВР Охрид, околу 11:35 часот Одделението за внатрешни работи Дебар добило пријава од Итната медицинска помош дека на пат кон болницата починал К. С. (40) од Дебар.

– Според пријавеното, несреќата се случила околу 11:15 часот, кога лицето паднало од зграда во изградба на улицаа @ОБО ЗЧБратство Единство’, каде што работело. Поради здобиените тешки повреди, починал за време на транспортот кон болницата“, изјави Димоски.

На местото на несреќата излегле јавен обвинител и трудов инспектор, а увид извршила екипа од ОВР Дебар. Причините за несреќата дополнително се утврдуваат.

Според неофицијални информации од жители на Дебар, станува збор за нивен сограѓанин кој работел на поставување врати и прозорци на објектот. Тие го опишуваат како вреден и посветен човек.