Германија останува најголем трговски партнер на земјава

Топ Вести - Слушај сега

Вкупната вредност на извозот на стоки од земјава, во периодот јануари – ноември 2025 година, изнесува 8.3 милијарди долари и е зголемен за 6,4 %  во однос на истиот период лани. Увозот, во истиот период , пак, порасна за 7,7% и изнесува 11,8 милијарди долари, покажуваат податоците на Државниот завод за статистика.

- Advertisement -

Трговската размена по производи покажува дека во извозот најголемо е учеството на: катализаторите на носачи со благородни метали или нивни соединенија, сетовите на проводници за палење и слично, за возила, авиони или бродови, деловите на седишта од подгрупата 821.1 и други катализатори на носачи.

Во увозот најмногу се застапени: нафтените масла и маслата добиени од битуменозни минерали (освен сурови), другите метали од платинската група и нивни легури, необработени или во облик на прав, платината и легурите на платина, необработени или во прав и други моторни возила за пренос на лица.

Во периодот јануари – ноември 2025 година, според вкупниот обем на надворешнотрговската размена, најмногу се тргувало со Германија, Велика Британија, Кина, Грција и Србија, кои учествуваат со 47,7% во вкупниот обем на размената. Земјите членки на Европската Унија учествуваат со 59,3% во вкупната размена.