Следува силен мраз, па дождливи и ветровити денови

Топ Вести - Слушај сега

Времето утре ќе биде променливо облачно со сончеви периоди, најави Управата за хидрометеоролошки работи. Попладне во западните делови од Македонија ќе има слаб локален дожд, а на планините и повисоките места снег.

- Advertisement -

Ќе дува слаб до умерен ветер од југозападен правец.

Најстудено утрото ќе биде во Берово, каде температурата ќе се симне до мунус 14 степени. Максималната температура ќе достигне до 6 степени во Гевгелија, Прилеп, Битола и во Крива Паланка.

Фото: УХМР
Во Скопје времето утре ќе биде променливо облачно со сончеви периоди и студено со умерен ветер од јужен правец. Утрото ќе биде студено, со минимална температура од минус 11 степени, а дневната ќе се искачи до 3 степени Целзиусови.

Под влијание на циклонска активност од сабота ќе биде претежно облачно со повремени локални врнежи од дожд. На планините и некои од повисоките населени места врнежите ќе бидат од снег.

Ќе дува умерен до засилен ветер претежно од јужен правец, а температурата ќе биде во пораст.