По преброени повеќе од 60% од гласачките кутии на вонредните парламентарни избори во Косово, Движењето Самоопределување, предводено од Албин Курти, има мнозинство за формирање влада

Топ Вести - Слушај сега

По преброени повеќе од 60% од гласачките кутии на вонредните парламентарни избори во Косово, Движењето Самоопределување, предводено од Албин Курти, има мнозинство за формирање влада.

- Advertisement -

Според резултатите објавени од Централната изборна комисија (ЦИК), по изброени 60% од гласовите Движењето Самоопределување обезбеди 50,24%  или 257.390 гласови. Втора е  Демократската партија на Косово (ПДК) со 20% или 102.460 гласови. На трето место е Демократскиот сојуз на Косово (ЛДК), кој досега обезбеди 14,16% или 72.566 гласови, додека по него следува Алијансата за иднината на Косово (ААК), која доби 6,57% или 33.659 гласови.

Другите партии кои нема да освојат 5% од гласовите до крајот на официјалното пребројување на гласовите нема да можат да го поминат прагот и да влезат во Собранието на Косово.

Доколку Движењето Самоопределување успее да го задржи својот резултат со 50% или повеќе гласови, може самостојно да формира влада.

По објавувањето на прелиминарните резултати, ќе следи пребројувањето на гласовите од странство, од каде што се регистрирани околу 70.000 граѓани за гласање.