Топ Вести - Слушај сега
РЕСЕН – Централниот плоштад во општина Ресен денес беше преобразен во вистинска празнична приказна, каде што децата и нивните семејства уживаа во атмосфера исполнета со радост, насмевки и новогодишна магија.
Најголемо воодушевување кај најмладите предизвика необичниот пристап на саканите ликови – Дедо Мраз и Гринч пристигнаа со воз, што веднаш ја привлече нивната внимание. По весела претстава која ги насмеа присутните, следеше најочекуваниот момент – делење на новогодишни пакетчиња за сите деца.
„Грижата за децата и нивната радост се наш најголем мотив да продолжиме со организирање на вакви настани, кои го збогатуваат празничниот дух и ја зајакнуваат заедницата”, изјавија од општината.
Настанот, кој собра голем број посетители, беше резултат на заедничките напори на локалната самоуправа и партнерите. Особено беше истакната улогата на СОС Балкан Медиа Охрид и Чокомил Ресен, чија поддршка беше клучна за успехот на манифестацијата.
Од општина Ресен до сите дечиња и нивните семејства им упатија искрени честитки: „Ви посакуваме среќни и весели празници, исполнети со здравје, љубов и насмевки.”
Празничната манифестација уште еднаш потврди дека заедничките напори и грижата за најмладите членови на заедницата се најубавиот начин да се збогати празничниот дух и да се создадат незаборавни спомени.
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
© 2025 OhridSky. Сите права задржани.
Please login or subscribe to continue.
No account? Register | Lost password
✖✖
Are you sure you want to cancel your subscription? You will lose your Premium access and stored playlists.
✖