Судскиот совет ја одложи седницата поради немање кворум

Топ Вести - Слушај сега

Судскиот совет денеска ја одложи седницата поради немање кворум, бидејќи на седницата присуствуваа само шест од вкупно 15 члена.

- Advertisement -

Претседателот на Судскиот совет, Александар Камбовски, информираше дека поради недоволниот број присутни членови не се исполнети условите за одржување на седницата, по што таа е одложена. Новиот термин дополнително ќе биде соопштен.

– Дел користат годишен одмор, дел се на боледување – изјави Камбовски.

На двајца членови Миљазим Мустафа и Селим Адеми им е истечен мандатот, а на седницата не беа присутни и членовите по функција, министерот за правда и претседателот на Врховен суд.

На дневен ред на 534. седница на Судскиот совет се повеќе точки, меѓу кои за престанокот на судиска функција поради стекнување услови за старосна пензија, поплаки и претставки за работата на судиите и судовите, како и формирање комисии за постапки за утврдување одговорност.

Дневниот ред опфаќа и расправа по Пресудата на Управниот суд У‑5 бр. 380/2025, за уставната судијка Елизабета Дуковска, како и по Известувања за утврдена фактичка состојба.