Со луксузен џип тргна по крадците што влегле во нејзиниот дом

Топ Вести - Слушај сега

Инцидент со обид за кражба во семејна куќа во Калифорнија заврши драматично, откако сопственичката на домот со својот Mercedes-Benz G-Wagon удрила во автомобил на осомничените додека тие се обидувале да побегнат.

- Advertisement -

Според американските медиуми, жената излегла кратко да си купи кафе и во тој момент разговарала по телефон со својата мајка, која се наоѓала во куќата заедно со нејзините деца. Разговорот бил прекинат кога мајката почнала да вика: „Помош! Помош! Помош!“.

Веднаш по тоа, жената се свртела со возилото и со голема брзина се упатила кон својот дом. Во меѓувреме, осомничените, според изјавата на сопругот на жената, Дејвид, прескокнале преку предната порта и се обиделе да влезат од задната страна на куќата, најверојатно преку лизгачката врата.

– Тие се соочиле со мајката на мојата сопруга и веднаш избегале – изјавил Дејвид.

Безбедносните камери го забележале моментот кога жената со својот „G-Wagon“ се движи по улицата и удира во бел седан во кој биле осомничените. Иако судирот предизвикал материјална штета, сопругот тврди дека ударот не бил намерен.

– Таа беше преплашена и загрижена дека ќе му наштетат на семејството – вели Дејвид.

Полицијата во Лос Анџелес соопштила дека во напуштениот бел седан пронашла возачка дозвола, а истрагата за обидот за кражба е во тек.