ИЗВЕСТУВАЊЕ ДО ЖИТЕЛИТЕ НА ОПШТИНА ДЕБРЦА

Топ Вести - Слушај сега

Општина Дебрца ги известува сите граѓани, кои по основ Легализација на бесправно изградени објекти согласно Законот за утврдување на правен статус на бесправно изградени објекти, имаат добиено Заклучоци за прекин на постапка (поради промена на барател или обезбедување на изјави од наследници или сопственици на соседни парцели) и Известувања за уплата по Заклучок за надоместок, дека рокот за решавање на предметите е до почетокот на март 2026 година.

- Advertisement -

Поради важноста на законот за да не дојде до одбивање на предметите со Решение се повикуваат сите лица кои имаат започната постапка за легализација на бесправно изградени објекти, а истата не е целосно комплетирана, навремено да ја дополнат потребната документација и да ги завршат постапките во законски предвидениот рок.

По истекот на рокот, нема да постои можност за дооформување на постапки за легализација согласно важечкиот закон.

За дополнителни информации и насоки, граѓаните можат да се обратат во надлежната служба во Општина Дебрца.

Општина Дебрца

Служба за урбанизам и комунални дејности