Детонирана бомба во „Киа“ среде Москва

Топ Вести - Слушај сега

Експлозив скриен под автомобил разнесе еден од најблиските генерали на рускиот претседател Владимир Путин. Генерал-потполковник Фанил Сарваров, човекот што ги водел оперативните обуки на целата руска армија, се нашол во оган и метал во моментот кога го стартувал моторот на своето „Киа Соренто“ на паркингот во населбата Јасенево во Москва.

- Advertisement -

Руските спасувачи го извлекле генералот од смачканото возило, жив, но тешко повреден. Починал на пат кон болница.

Експлозијата се случила околу 7 часот наутро во населбата Јасенево, само неколку минути откако Сарваров го напуштил паркингот.

Рускиот Истражен комитет отвори кривична истрага за терористички чин, а првичните траги укажуваат дека бомбата била поставена под шасијата на автомобилот.

Според рускиот канал „SHOT“ на Телеграм, 56-годишниот генерал претрпел повеќекратни рани од шрапнели, затворени фрактури, рани на нозете и фрактури на коските на лицето.