Маж од Битола е осомничен за тешка телесна повреда и полов напад врз својата вонбрачна партнерка

Топ Вести - Слушај сега

Маж од Битола е осомничен за тешка телесна повреда и полов напад врз својата вонбрачна партнерка. Обвинителството во Битола истражува настан од 18 декември. Мажот кој има 56 години ја нападнал жената со тупаници и предмети од домаќинството во заедничкиот дом на улицата „Васко Карангелевски“, соопшти Обвинителството.

- Advertisement -

По ударите, како што се вели во написот, таа добила повеќе телесни повреди. Мажот, според наводите, ѝ се заканувал дека ќе ја фрли од тераса, а потоа насилно ја соблекол и ја принудил на полови дејствија.

Јавниот обвинител побарал мерка притвор, наведувајќи реална опасност осомничениот да избега или повторно да изврши семејно насилство врз жртвата со која живеат во ист дом.