Снег паѓа во Саудиска Арабија: Зимска магија во пустината

Топ Вести - Слушај сега

Пустинските и планинските делови на Саудиска Арабија побелеа од снегот што покри неколку региони, претворајќи ги планините опкружени со пустината во зимска магија. Студеното време и обилните дождови донесоа и снежни врнежи во некои од градовите.

- Advertisement -

Саудискиот главен град Ријад побеле под снежна покривка, па сите училишта во градот ја прекинаа наставата. Националниот центар за метеорологија очекуваше повеќе снег во северните делови од регионот Ријад, а провинциите Ал-Маџма и Ал-Гат, северно од Ријад, исто така се под снежна покривка. Има повеќе снег на планинските венци, а врнежите не поштедија ниту дел од пустината, објавува РТС.

Хусеин Ал-Кахтани, официјален портпарол на Националниот команден совет (NCC), објасни дека временските услови што го погодија северниот регион Ријад се резултат на студена воздушна маса што напредува во областа, придружена со облаци што носат дожд.

Ова придонесе температурите да паднат под нула степени Целзиусови на некои локации, создавајќи услови за снежни врнежи.

Ал-Кахтани истакна дека центарот издал рани предупредувања во врска со временските услови, додавајќи дека специјализирани тимови продолжуваат да ја следат ситуацијата. Се очекува дури и појава на силен мраз, што е невообичаено за неколку области во северните и централните региони на Кралството.

Некои од жителите на Арабија се радуваа на снежните врнежи.

Ветровите над Црвеното Море ќе бидат од северозапад до североисток, со налети од 25 до 50 километри на час.

Во Арапскиот Залив, ветровите ќе бидат од северозапад до запад, со налети од 25 до 60 километри на час.

Генералниот директорат за цивилна заштита повика на претпазливост и почитување на упатствата поради неповолни временски услови.

На жителите им се советува да избегнуваат одење во долини во овој период. Снег падна и во Катар.