Годишна прес-конференција на претседателот на Русија

Топ Вести - Слушај сега

Рускиот претседател Владимир Путин денеска треба да ја одржи својата традиционална годишна прес-конференција во Москва, на која неколку часа ќе одговара на прашања од домашни и од странски новинари за разни теми.

- Advertisement -

Годинава медиумскиот спектакл повторно ќе биде комбиниран со ТВ-емисијата „Директна линија“, во која руските граѓани можат да се жалат на своите проблеми, да го прашаат шефот на Кремљ за решенија и да го прашуваат за други теми.

Руската државна телевизија објави дека примиле повеќе од 2 милиона прашања.

Прес секретарот на Кремљ, Дмитриј Песков, рече дека претседателот Путин се подготвува за настанот од среда.

Многуте предизвици на земјата, вклучувајќи ја сиромаштијата и социјалните тешкотии, поплаките за здравствената заштита и лошата инфраструктура, се теми што се повторуваат низ годинте.

Војната во Украина, исто така, ќе биде една од главните теми на настанот.

Прес-конференцијата ќе се емитува низ цела Русија на телевизија и на интернет страници.

Минатогодишната прес-конференција траеше нешто помалку од четири и пол часа.