БРАЧЕН ПАР ОД КОЈ ЕДЕН СУДИЈА ВО АПЕЛАЦИЈА ВО КОРУПЦИСКА МРЕЖА: Ѓоко и Симона Ристови под истрага за поткуп од 50.000 евра???

Топ Вести - Слушај сега

Скандалозната афера со поранешниот државен правобранител Фехми Стафа зема нови димензии. Истрагата на ОЈО ГОКК открива дека зад примањето на 50.000 евра за влијание врз судски процес стои брачен пар од кој еден судија во Апелациониот суд Скопје.

Судиите Ристови под лупа

- Advertisement -

Како што ексклузивно дознава Охридскај, покрај Стафа, истрага се води и против:

• Ѓоко Ристов – судија во Апелациониот суд Скопје
• Симона Ристов – негова сопруга

Тројцата се осомничени за создавање корупциска мрежа со цел да влијаат врз судски одлуки за ослободување на лица во притвор.

Тајни состаноци до зградата на Апелација

Стафа неколку дена претходно имал состаноци во кафуле лоциран непосредно до Апелациониот суд во Скопје со сестрата на Ангел Пецов – Ѓаволот, лицето за кое требало да се укине мерката притвор.

50.000 евра и побарувачка за двојно повеќе

Според Обвинителството, експравобранителот Стафа во периодот од октомври до 13 декември примил вкупно 50.000 евра, а првично побарал 100.000 евра за да интервенира кај апелационен судија за укинување на притворот за лице во бегство, против кое се води постапка за кривични дела против јавните финансии.

Ѓаволот ги пријавил

Во неочекуван преврт, настанот во ОЈО ГОКК го пријавил самиот Ангел Пецов – Ѓаволот, што ја прави целата афера уште поскандалозна.

Истрагата продолжува, а случајот го тресе судскиот систем во Македонија.