Српскиот претседател Александар Вучиќ изјави дека нема да патува во Брисел на самитот ЕУ-Западен Балкан

Топ Вести - Слушај сега

Српскиот претседател Александар Вучиќ изјави дека нема да патува во Брисел на самитот ЕУ-Западен Балкан, објави телевизијата Н1.

- Advertisement -

– За прв пат по 13 или 14 години, ниту јас ниту некој друг нема да одиме на оваа меѓувладина конференција. Никој нема да ја претставува Република Србија, па затоа Западниот Балкан ќе биде без Република Србија – рече Вучиќ.

Тој рече дека ја донел одлуката сам, за да не биде обвинет никој друг и за владата да не биде подложена на никаков притисок. Вучиќ рече дека разговарал со голем број европски лидери во последните 24 часа.

– Искрено сум благодарен за почитта што Урсула фон дер Лајен и Антонио Коста ја покажаа кон Србија. Исто така, сум благодарен и на претседателот Макрон, со кого разговарав синоќа. Верувам дека сè што правам, го правам за граѓаните на Србија. И покрај фактот што знам дека оваа одлука ќе предизвика критики – и во Брисел и од оние кои секогаш критикуваат, дури и кога не знаат точно што критикуваат. Верувам дека со овој потег ја бранам Република Србија и нејзините интереси, бидејќи треба да покажеме што сме направиле – рече претседателот.

Неговата одлука ја коментираше поранешниот претседателот на Република Српска Милорад Додик, сега претседател на партијата СНСД. За него таа е „државничка, рационална и разбирлива“.

– Лицемерието и непочитувањето што бриселската бирократија ги покажува кон Србија и српскиот народ повеќе не можат да се толерираат – напиша Додик на својот профил на мрежата „Х“.