Двајца мажи од Куманово и од Скопје беа приведени на автопатот Табановце–Куманово, откако полицијата кај нив пронајде поголема количина брендирана стока и рачен алат без соодветна документација

Топ Вести - Слушај сега

Двајца мажи од Куманово и од Скопје беа приведени на автопатот Табановце–Куманово, откако полицијата кај нив пронајде поголема количина брендирана стока и рачен алат без соодветна документација.

- Advertisement -

Како што информираат од МВР, полициски службеници од Мобилната единица за компензаторни мерки при Одделот за гранични работи и миграции, во два одвоени случаи сопреле патнички возила и извршиле контрола.

Во првиот случај бил запрен автомобил „голф“ со кумановски регистарски таблички, управуван од 38-годишниот Б.И. од Куманово. При прегледот, во возилото биле пронајдени 272 парчиња разновидна брендирана стока, за која возачот не поседувал никаква документација. Стоката веднаш била одземена, а лицето приведено.

Неколку часа подоцна, во вториот случај, полицијата сопрела „мерцедес“ со скопски регистарски ознаки, управуван од 41-годишниот Б.С. од Скопје. Во возилото биле откриени 174 парчиња рачен, батериски и електричен алат, исто така без потребните документи. Освен алатот, одземено било и возилото, а возачот бил лишен од слобода.

Од полицијата велат дека по целосно документирање на случаите ќе следуваат соодветни поднесоци против приведените лица.