Се надеваме дека го прифаќате нашето извинување што навреме не сфативме дека сте претставник на ВМРО-ДПМНЕ и дел од нивниот партиски систем.
Соопштение од Банка што е политички мотивирано како вашето, или да бидеме конкретни – испраќање политичка порака, каква што е коментирање на нечии коалициски партнери, не е ниту соодветно, ниту досега видено во сферата на банкарството, па ниту во политиката (банка да комуницира како партија).
Веројатно сè уште не сте запознаени со тоа, но не Ви забележуваме, имајќи предвид дека до неодамна бевте менувачница.
Во времето кога ДУИ беше коалициски партнер на ВМРО-ДПМНЕ, Вие сè уште бевте во Земун, па можеби не сте запознаени со тие околности.
Сепак, можете да проверите кај вашите партнери од ВМРО-ДПМНЕ.
Исто така може да проверите како тоа Европската централна банка има преземено ригорозен чекор само Трајко Славевски и НБРМ без размислување го дозволиле преземањето во Македонија?
Но сега, кога веќе се огласивте и кога ни е јасно дека сте дел од ВМРО-ДПМНЕ, ќе си дозволиме да Ви поставиме неколку прашања – како и на секој друг политички субјект во Македонија.
Слободата на говор, нели е убава работа?!
Дали вашиот сопственик, Давор Мацура, новоизбран потпретседател на Олимпискиот комитет на Србија, сосопственик на бројни компании во Србија и основач или инвеститор во инвестицискиот фонд „Vista Rica“, кој се доведува во врска со Александар Вучиќ, навистина е поврзан со тој фонд?
И дали во него уплатил речиси еден милион евра?
Во однос на заканите со тужби, би сакале да знаеме дали сте ги тужеле и медиумите наведени подолу, кои објавија текстови за вашата банка?
Дали тоа е вообичаена пракса за една банка од Србија?
Еве неколку наслови од различни медиуми:
