Трамп се фали дека ќе ја сопре војната меѓу Камбоџа и Тајланд

Американскиот поранешен претседател Доналд Трамп најавил дека ќе оствари телефонски разговор со цел да се прекинат борбите што веќе трет ден траат на границата меѓу Тајланд и Камбоџа. Изјавата, пренесена од Ројтерс, го поставува Трамп во улога на потенцијален посредник во новоазискиот конфликт.

Во јули тој веќе посредуваше за постигнување краткотраен прекин на огнот меѓу двете земји, но насилствата деновиве повторно се разгореа.

Тајландскиот министер за надворешни работи изјавил дека „моментално нема услови за преговори“, додека камбоџанскиот советник на премиерот одговорил дека „Пном Пен е подготвен за разговори во секое време“.

- Advertisement -

На собир во Пенсилванија, Трамп потсетил дека во својот мандат помогнал да се смират и други кризни жаришта, меѓу нив и тензиите меѓу Пакистан и Индија, како и конфликтите поврзани со Израел и Иран.

– Мразам што морам да кажам дека повторно изби судир меѓу Камбоџа и Тајланд. Ќе мора утре да се јавам. Кој друг може да каже дека со еден телефон може да запре војна меѓу две моќни земји? – рекол Трамп.

Според официјалните извештаи, во борбите пред последниот прекин на огнот загинале најмалку 48 лица, а илјадници се раселени од пограничните зони. Камбоџанското Министерство за одбрана потврдило дека девет цивили загинале, а 20 се тешко повредени, додека Тајланд пријавил четири загинати војници и 68 повредени.