Еве што треба да направите за цревата да функционираат без кофеин

Многу луѓе не можат да го започнат денот без утринското кафе, за многумина тоа е единствениот начин да го поттикнат празнењето на цревата.

Меѓутоа, ако вашето одење во тоалет зависи од кофеинот, тоа не е добро, објасни на Инстаграм детоксикологот Инеса Блажиќ.

– Дали имате празнење на цревата само кога пиете кафе? Тоа не е норма. Вистинската норма е да ги испразните цревата пред појадок, обично дваесет до четириесет минути по будењето и да пиете доволно вода. Идеално е кога телото се буди со природен нагон за празнење на цревата, без стимуланси и лаксативи – објаснува Блажиќ.

- Advertisement -

Според неа, кога цревата зависат од надворешни стимули како што е кофеинот, тоа значи дека дигестивниот тракт не работи самостојно. Таквата состојба може да укажува на бавно варење, нерамнотежа на цревната микрофлора или недоволно внесување на влакна и течности.

– Ова е сигнал дека нешто треба да се промени – истакнува таа.

Што можете сами да направите?
За цревата да функционираат без кофеин, утринските навики се клучни.

По будењето, испијте една или две чаши млака вода, бидејќи тоа природно ги активира цревата. Лесното истегнување или неколку минути движење исто така ја стимулираат перисталтиката.

Исхраната е подеднакво важна; доволниот внес на влакна од зеленчук, овошје, интегрални житарки и семки одржува редовно празнење на цревата. Помогнете им на вашите црева со ферментирана храна како што се кисела зелка, јогурт или кефир, кои ја зајакнуваат микробиотата.

Избегнувајте долготрајно седење, доцни оброци и постојано одложување на одењето во тоалет. Телото најдобро се навикнува на ритамот ако се будите во слично време секое утро и му дадете шанса да си ја заврши работата, без кафе.