Магла има на патот за Попова Шапка и на преминот Пресека

Сообраќајот на државните патишта утрово се одвива непречено, по наместа влажни коловози. Интензитетот на сообраќај на патните правци надвор од градските средини е умерен, информира Аавтомото сојузот.

На граничниот премин „Табановце”, времето на чекање за излез од државата изнесува 40 минути, додека пак на граничниот премин „Дојран”, времето на чекање за излез од државата изнесува 30 минути. На останатите гранични премини од македонска страна, нема подолги задржувања за влез и излез од државата.

Сообраќајот на државните патишта се одвива непречено, по наместа влажни коловози. Намалена видливост поради појава на магла од 30 до 40 метри има на патниот правец од с.Гајре – Попова Шапка и од 100 до 150 метри на планинскиот премин Пресека.

- Advertisement -

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.