Починал учесник на 24-километарскиот зимски ултрамаратон Сент-Лион откако се струполил на два километри до целта, објавија француските медиуми.
И покрај брзата интервенција на службите за итни случаи, маратонецот, кој имал 59 години, а чие име не е познато, починал непосредно пред крајот на трката.
Зад него трчала жена, која е медицинска сестра и која веднаш му укажала прва помош, а набрзо пристигнал и медицински тим – изјавил член на организацискиот тим на трката.
Починатиот тркач од Алзас бил редовен спортист, објави париски „Фигаро“.
Делницата Сент-Лион од трката ги поврзува градовите Сент-Етјен и Лион и е позната по својот тежок терен, кој често вклучува снежни, дождливи и калливи услови. Познатата трка привлече повеќе од 200.000 учесници, се организира од 1952 година и се смета за најстара трка во Франција.
