Луѓето не треба да се плашат, државата ќе умее да се справи со насилниците, изјави српскиот претседател Александар Вучиќ, реагирајќи на ноќниот напад со нож пред Народното собрание во Белград.
Рано утрото на 30 ноември, 27-годишниот Д.П. го избол со нож 37-годишниот М.Н. Повредениот бил пренесен во Ургентниот центар, а полицијата веднаш го уапсила напаѓачот. Министерството за внатрешни работи на Србија потврди дека се работи за дело на лесна телесна повреда, а не за терористички напад, како што првично се шпекулирало, јави Б92.
М.Н. има повреда во пределот над коленото. Напаѓачот е задржан во 48-часовен притвор.
Српскиот претседател додаде дека „државата нема да дозволи сценарија на уличен хаос“, нагласувајќи дека институциите ќе реагираат строго на секој обид за нарушување на јавниот ред.
