Претседателот на Венецуела Николас Мадуро ќе возврати на инвазијата на Пентагон со „скриена герилска саботажа“ со употреба на 5.000 руски преносни ракети „ИГЛА“, анализира агенцијата Ројтерс повикувајќи се на документи. Но, истовремено на Венецуела ѝ се заканува потенцијална анархизација, пишува медиумот.
Со други зборови, пред да почне каков било напад, безбедносните служби и партиските вооружени групи би можеле создале хаос во Каракас, со цел да стане невозможно да се управува со земјата.
Војниците на Венецуела добиле наредба да се засолнат и дејствуваат независно при напад, се вели во анализата. Мадуро често зборува за „народна мобилизација“ и тврди дека над осум милиони цивили се обучени за отпор, но независни извори велат дека реално само неколку илјади луѓе се способни да војуваат.
Според извори од Каракас, владата на Николас Мадуро распоредила војска, полиција и милициски сили на 284 „борбени фронтови“. Главната стратегија е не фронтална борба, туку „продолжен отпор“ преку герилски акции, саботажи и децентрализирана одбрана на повеќе точки низ земјата.
Од друга страна, вооружувањето на земјата е застарено, се вели во анализата.
„Ловците Су-30 и тенковите Т-72 купени од Русија пред две децении се технички слаби во споредба со американските сили. Американската флота веќе со месеци патролира во Карибите под изговор на борба против трговијата со дрога, при што се убиени повеќе од 80 лица“.
Воeни аналитичари предупредуваат дека можен конфликт би го дестабилизирал целиот регион, особено Колумбија и Гвајана, каде што веќе има вооружени групи и наркокартели.
