До недела земјава ја очекува период на нестабилно време со дожд и снег на планините

До недела земјава ја очекува период на нестабилно време со дожд и снег на планините, предупредуваат од Управата за хидрометеоролошки работи (УХМР). Најинтензивни врнежи се очекуваат во петок, особено на истокот, каде локално може да наврнат и над 35 литри дожд на метар квадрат за 24 часа.

Во планинските региони врнежите ќе бидат претежно од снег, а на повисоките места е можен дожд помешан со снег. УХМР најавува и умерен до засилен северен ветер, кој периодично ќе го засилува чувството на студ.

Во сабота се задржува постудено време, со услови за слаб снег на високите места и планините, но без позначајни врнежи.

- Advertisement -

Од недела следува стабилизација на времето. Утрото ќе биде студено со ниски температури, додека дневните ќе растат. Во дел од котлините се очекува појава на магла, особено во раните утрински часови.