Индиските милијардери ѝ платиле 2 милиони долари за неколку часа

Лопез ги извела своите најголеми хитови, меѓу кои „Waiting for Tonight“ и „Get Right“, а за време на настапот неколкупати го сменила сценскиот стајлинг.

- Advertisement -

На самата свадбена церемонија пристигнала во розев, светкав сари, а подоцна на сцената се појавила во црн комбинезон-боди, со прорези. Потоа се пресоблекла во златно трико со длабоко деколте, а настапот го завршила во сребрен костим со високи шлицеви, комбиниран со светкав капут, капа и високи чизми.

Покрај песните, Џенифер одржала и краток говор, наздравувајќи им на младенците – Нетра Мантена и Вамси Гадирај.

– Вашите семејства нека бидат обединети на овој прекрасен ден и нека нè благослови Бог сите – рекла таа.

Нетра е наследничка на Рама Рају Мантена, директор и претседател на Ingenus Pharmaceuticals, додека нејзиниот сопруг Вамси е технолошки претприемач, коосновач и главен технички директор на платформата Superorder.

Нивната раскошна свадба во Удаипур започнала на 20 ноември, а четиридневната прослава била исполнета со настапи на светски познати музичари. Првата вечер ја предводел диџеј Тијесто, а меѓу гостите бил и Доналд Трамп Јуниор.

Традиционалните индиски претсвадбени церемонии – сангит и мехенди – се одржале на 21 и 22 ноември, а парот се венчал во неделата, 23 ноември.