Зеленски се сретна со секретарот на американската армија

Украинскиот претседател Володимир Зеленски се сретна со американската делегација, а претстои уште еден состанок во поширок формат, објави РБК Украина.

Зеленски се сретна со секретарот на американската армија, Ден Дрискол и со генерали, а потоа ќе следи состанок во нов формат, на кој ќе присуствува и секретарот на Советот за национална безбедност и одбрана, Рустем Умеров.

Американските медиуми вчера објавија дека американски и руски претставници развиле „план за завршување на војната“ во Украина.

- Advertisement -

Според неофицијални информации, во неговото создавање учествувал и претставникот на рускиот претседател, Кирил Дмитриев.

Планот содржи 28 точки и предвидува Украина да се откаже од Донбас, половина од својата армија и др.

Мировниот план на САД ќе биде презентиран во Киев од страна на американска делегација предводена од секретарот на американската армија, Ден Дрискол.

Мировниот план требаше да биде разгледан и со украинскиот претседател Володимир Зеленски во Турција вчера.

Сепак, според „Аксиос“, разговорите не се одржаа бидејќи украинскиот претседател пристигна во Турција со план развиен заедно со европските сојузници, кои не поддржуваат предавање на Украина.

Зеленски нагласи дека Украина е подготвена да соработува во кој било „значаен формат“ за да се стави крај на војната со Русија.