Трагедијата во „Пулс”: Денеска почнува судењето за пожарот со 63 жртви

Кочани/Скопје – Осум месеци по кошмарот што го потресе Кочани, правдата конечно застанува пред лицето на одговорните. Денеска во 9.30 часот во Казнено-поправниот установа Идризово започнува судењето за трагичниот пожар во дискотеката „Пулс”, кој на 16 март ја одзеде животот на 63 лица, меѓу кои и деца.

Масовна одговорност

Обвинителниот акт, поднесен на 13 јуни и одобрен на 3 октомври, опфаќа вкупно 38 обвинети – 35 физички лица и три правни субјекти. На обвинителната клупа ќе седат сопственици, управители, инспектори, поранешни градоначалници, обезбедување и државни службеници – сите товарени за тешки дела против општата сигурност.

Поради сензитивноста на случајот, првото рочиште ќе се одржи под зајакнати безбедносни мерки, со присуство на медицински тим.

Хроника на најавена трагедија

- Advertisement -

Истрагата покажа дека катастрофата не била случајност, туку резултат на долгогодишни системски пропусти. Дискотеката „Пулс” работела нелегално цели 11 години – од 2012 година, без минимално-технички услови и со реконструкции без соодветни дозволи.

Обвинетите се товарат дека свесно ги игнорирале безбедносните процедури: не спроведувале инспекциски надзор, издавале лиценци спротивно на законот, дозволувале влез на малолетници и преполнетост на капацитетот.

Кобната ноќ, употребата на пиротехнички средства без дозвола директно го предизвикала пожарот кој прерасна во најголемата трагедија од ваков вид во новата историја на земјата.

Над 200 лица беа повредени во пожарот. Случајот предизвика национален шок и отвори прашања за одговорноста на институциите.