Еве како изгледа вилата на Лазар Ристовски во која ужива со својата сопруга Аница

Актерот Лазар Ристовски не крие колку е среќен во врската со Аница Лазиќ, која е 39 години помлада од него.

Откако се разведе од својата долгогодишна сопруга Даница Ристовски, драмскиот уметник пронајде нова љубов покрај убавата Аница која е психолог, но се обиде и во глумата.

Како што еднаш истакна Аница, двајцата се немирни духови, а нивна заедничка страст се патувањата и егзотичните дестинации. Сепак, еден од вистинските мали „раеви“ на Лазар е веднаш на брегот. Ристовски поседува луксузна вила со базен во Црна Гора. Тој често го покажува луксузот на просторот, како и спектакуларниот поглед на море, на својот Инстаграм профил.

- Advertisement -

Неговата гламурозна куќа се наоѓа во населбата Жуковица, а актерот ја купил за време на бракот со Даница. Очигледно, по разводот таа му останала нему.

Ристовски претходно нагласи дека овој дом покрај морето му помага да се одмори и да собере сила за нови предизвици. Во една прилика, покрај фотографија од едрилица, напиша:

– Откако се опоравив од корона, на мојата едрилица, собирам сила за, можеби, уште една победа – изјави актерот.

Лазар и Аница се појавија заедно во сериите „Дрим Тим“ и „Попадија“. Според информациите што ги цитира на социјалните мрежи, Аница студирала психологија во Падова, Италија, претходно учела во белградска гимназија и музичко училиште.

Нивната љубов предизвика бројни осуди, а долго време молчеа за негативните коментари. Сепак, оваа година, Аница зборуваше за потенцијална венчавка и за својот поглед на љубовта во емисијата „Премиера“.

– Не сонував многу за мажење кога бев девојче, а тоа не ми е голема работа ни денес. Повеќе го гледам тоа како форма, а поважна ми е суштината. Секако, жените сакаат да носат венчаница. Не се плашам да се мажам – поважно ми е да ја живеам суштината на љубовта, а тоа веќе го имам, фала му на Бога – рече таа, додавајќи:

– Си ветив себеси дека ќе бидам храбра во љубовта. Не си дозволувам да бидам кукавица во тоа и секогаш го правам тоа што ми кажува срцето.