Вчера во два одделни настани во Дојран и Охрид пронајдени се неексплодирани артилериски гранати

Вчера во два одделни настани во Дојран и Охрид  пронајдени се неексплодирани артилериски гранати, соопшти полицијата.

Во Нов Дојран  Ј.К.(55) при извршување земјоделски работи со трактор во нива пронашол три  експлозивни направи. Пиротехничар од Дирекцијата за заштита и спасување безбедно ги подигнал експлозивните направи и констатирал дека се работи за 3 неексплодирани артилерски гранати.

Во водите на Охридското Eзеро кај охридското село Пештани, пак, се пронајдени се 4 неексплодирани експлозивни направи. Извршено е обезбедување на местата, а известен е и пиротехничар од Дирекцијата за заштита и спасување за безбедно подигнување на гранатите.