Повеќе од 20 лица се повредени по силните експлозии во индустриски парк во близина на Буенос Аирес, по што следеше голем пожар

Повеќе од 20 лица се повредени по силните експлозии во индустриски парк во близина на Буенос Аирес, по што следеше голем пожар, соопштија аргентинските власти.

Индустрискиот објект се наоѓа во близина на најпрометниот меѓународен аеродром во земјата.

- Advertisement -

Шефот на локалната администрација, Гастон Гранадос, изјави дека противпожарните екипи го гаснат пожарот од синоќа, но дека пожарот сè уште е надвор од контрола.

Директорот на болницата, Карлос Санторо, изјави дека неговата институција примила 22 повредени лица.

Во индустриската зона има неколку фабрики кои произведуваат гуми, хемиски производи и други стоки.
Според медиумите, пожарот довел до откажување на летовите.