Октомври 2025 година во Македонија помина под знакот на постудено и поврнежливо време од вообичаеното, покажува анализата на Управата за хидрометеоролошки работи (УХМР).
Според податоците, средномесечната температура се движела од 6,7 степени во Маврово до 14 степени во Гевгелија, што е за околу 1,8 степени пониско од просекот за истиот месец во периодот 1991–2020 година.
На 24 октомври, во Демир Капија е измерена највисоката температура од 26,7 степени, додека најниската, од минус три степени, е регистрирана на 29 октомври во Берово.
Што се однесува до врнежите, октомври беше надпросечно влажен месец. Месечната сума на врнежи варирала од 55 милиметри во Берово до 151 милиметар во Маврово, каде што е забележано и најголемото дневно количество дожд од 55 милиметри.
Во споредба со просекот за октомври во последните три децении, вкупната количина на врнежи годинава била повисока за околу 25 отсто, што го потврдува трендот на нестабилни и влажен есенски услови низ целата земја.
