Русија ќе одговори со нуклеарни тестови ако САД продолжат, вели Лавров

Шефот на руската дипломатија, Сергеј Лавров, во интервју за руски медиуми изјави дека Москва е подготвена да тестира нуклеарно оружје доколку други нуклеарни сили продолжат со свои проби.

– Москва е подготвена да разговара за загриженоста на САД за она што Вашингтон го нарекува „сомнителни подземни активности“ – изјави Лавров, нагласувајќи дека Русија е внимателна на сигналите од Америка кои наводно би можеле да ги користат нуклеарните тестови за геополитички цели.

Лавров посочи дека таквите постапки од страна на САД би можеле значително да го изменат концептот на недозволивост на нуклеарна војна.

- Advertisement -

Русија претходно понуди едногодишно продолжување на ограничувањата утврдени во Договорот за стратешко офанзивно оружје (New START).

– Одлуката за продолжување на ограничувањата може да се донесе во секое време до 5 февруари 2026 година, кога истекува договорот. Не се потребни понатамошни консултации со САД, туку само согласност од Вашингтон – истакна Лавров.

Тој исто така се осврна на контактите меѓу Москва и Вашингтон, нагласувајќи дека Русија останува посветена на договорот помеѓу претседателите Владимир Путин и Доналд Трамп во Будимпешта и е подготвена да продолжи подготовките за нов состанок доколку САД ја презентираат својата иницијатива.

– Руската страна е отворена за разговори, но ако САД продолжат со тестови, ние ќе бидеме приморани да одговориме – додаде Лавров.