Две лица од дебарскиот регион се уапсени и против нив е поднесена кривична пријава за кривичните дела Грабнување и Полов напад и силување

Две лица од дебарскиот регион се уапсени и против нив е поднесена кривична пријава за кривичните дела Грабнување и Полов напад и силување.

„ОВР Струга поднесе кривична пријава против А.Л. (26) од селото Џепиште поради постоење основи на сомнение дека ги сторил кривичните дела Грабнување и Полов напад и силување, како и против Е.В. (18) од селото Отишани, поради сомнение за сторено кривично дело Грабнување,“ информираат од МВР.

Според информациите од полицијата, на 6 ноември 2025 година околу 19 часот, двајцата осомничени насилно ја извлекле 30-годишната жена од дворот на нејзината куќа во село во Дебарско и ја внеле во возило „ауди“, управувано од Е.В.

- Advertisement -

Потоа се упатиле кон напуштен објект во близина на Струга, каде што А.Л. физички ја нападнал, при што оштетената изгубила свест, а тој потоа ја силувал.