Семејство затрупано во урната зграда во Турција
Две лица се мртви, а најмалку 3 сѐ уште се под урнатините на станбената зграда што се урна рано изутринава во турскиот град Гебзе. Сите петмина се од исто семејство, информираа локалните власти.
Додека државната агенција Анадолија соопшти дека причината за уривањето не е позната, градоначалникот на Гебзе, Зинур Бујукгоз, пред новинарите изјави дека тоа би можело да биде поврзано со работите на блиското градилиште на метрото, пренесе Бета.
Гебзе, со околу половина милион жители, се наоѓа на геолошки расед каде во 1999 година се случи земјотрес со јачина од 7,6 степени, во кој загинаа 18.000 луѓе.
Експертите долго време предупредуваат дека неспроведувањето на градежните прописи претставува ризик во областите на Турција каде што земјотресите се чести.
По загинувањето на две лица поради уривање на четирикатница во градот Коња во јануари, им се суди на сопствениците на продавниците во приземјето на таа зграда, осомничени дека ги урнале носечките столбови за да ги прошират своите дуќани. Ним им се заканува казна до 22 години затвор.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
Copyright 2025 OhridSky
