Ѕвездата од серијата „Пријатели“, Мет Лебланк, беше фотографиран за време на ретко јавно излегување само неколку дена пред втората годишнина од смртта на неговиот колега и близок пријател Метју Пери.
Актерот кој го освои светот со улогата на симпатичниот Џои Трибијани беше виден во лежерна прошетка со својата ќерка Марина, која сега има 21 година. Папараците ги фатија во сончевиот Лос Анџелес.
На фотографиите, тој носи црвена маица со долги ракави, фармерки и капа, додека Марина носи бели фармерки, топ без ракави и високи бели чизми до глужд. Двајцата изгледаат опуштено, а нивното ретко заедничко излегување привлече големо внимание.
Лебланк неодамна се повлече од јавниот живот и се посвети на приватниот бизнис. Актерот е ко-сопственик на RPM Motorcars, салон за луксузни автомобили со седиште во Шерман Оукс, Лос Анџелес, специјализиран за продажба на луксузни, егзотични и спортски автомобили. Во документите се наведува дека тој го презел сопственичкиот удел во октомври 2020 година.
Лебланк не глумел од 2021 година, кога се појави во специјалната епизода „Friends: The Reunion“, а неговата последна улога беше во серијата „Man with a Plan“, која се емитуваше од 2016 до 2020 година. Во тоа време, тој рече дека планира да направи пауза од глумата – што очигледно сега и го прави.
