Зимското издание на фестивалот Блоксток, кое требаше да се одржи на 6 декември во Студентскиот културен центар во Нови Сад, е откажано.
Во соопштението се нагласува дека во овој момент нема можност да се организира Зимскиот Блоксток во форматот во кој првично беше замислен, објавува 021.rs.
„Како музички фестивал кој гордо трае речиси три децении и кој отсекогаш имал исклучиво порака за љубов во својата суштина, признаваме дека немаме готов одговор на моменталните околности што го снашле фестивалот, но и нашиот град. Не го сметаме овој факт за наша слабост, туку сосема спротивното“, објавија организаторите.
Како што истакнаа, единственото нешто што е апсолутно сигурно е дека фестивалот Блоксток ќе преживее, бидејќи на Нови Сад му е потребна платформа за афирмација на млади оригинални изведувачи, и бидејќи фестивалот отсекогаш бил пречка за секаков вид цензура и самоцензура.
„Ги покануваме младите бендови да продолжат да ни испраќаат апликации за натпреварот кој е сè уште во тек, а што поскоро ќе ја информираме јавноста за понатамошните чекори во врска со блиската иднина на фестивалот, вклучувајќи го секако и овогодинешниот Зимски блоксток на 6 декември“, додадоа тие во соопштението.
Повратот на билетите ќе биде достапен од четврток, 16 октомври, преку продажната мрежа на Gigstiks.
Да ве потсетиме дека хрватскиот музичар Миле Кекин претходно го откажа својот настап на овој фестивал.
„Им благодариме на сите што со нетрпение ја очекуваа средбата и ја разбираат нашата одлука. Ќе се дружиме повторно со песната, сигурен сум, во некои поубави околности“, рече Кекин.
