Заокружи 9 за Лукровски за Карпош, за изградба на нова детска градинка, 600 нови паркинг места, мега забавен Парк 1020, рекреативна зона – „Карпош хајкинг делта“ и два затворени пливачки базени

Општина Карпош изминатите 4 години целосно уназадува. Наместо реализација на проекти и подобрување на квалитетот на живот, во Карпош владее безредие и хаос.

Затоа на Карпош и карпошани им треба човек кој има план, визија, стратегија за работа, проекти и мерки за сите граѓани.

Човек кој ќе се однесува домаќински со општинските пари и ќе ги решава проблемите на карпошани и ќе ги слуша нивните барања.

- Advertisement -

Вистинскиот избор за Карпош е Сотир Лукровски кој ќе се залага да го врати сјајот и ќе ја направи Карпош зелена, чиста и модерна општина.

Во својата програма Лукровски ветува нова рекреативна зона – „Карпош хајкинг делта“, со пешачки и вело-патеки, летниковци и пошумување со 10.000 нови садници.

На површина од половина милион квадратни метри ќе се изгради мега-забавен парк 1020, со најсовремен спортски центар, картинг-патека и комплекс за мини голф покрај Лепенец. Тоа ќе биде простор за спорт, адреналин и рекреација, отворен за сите генерации, но и ново обележје што ќе го стави Карпош на мапата на модерните општини.

За да се реши сообраќајниот хаос и метеж низ општината ќе се изградат 600 нови паркинг места.

Дигитална Општина – нова апликација „МОЈ Карпош“ каде што граѓаните во секое место ќе можат да алармираат за одреден пропуст, а надлежните веднаш ќе излезат на терен.

За најмалите ќе се изгради нова детска градинка, а постоечките ќе се прошират.

Исто така ќе се обезбедат субвенции за целосна реконструкција на фасадите со што ќе постигне поголема енергетска ефикасност, пониски сметки за греење и ладење и поубава урбана слика за Карпош.

Ќе се изградат и два нови затворени училишни базени во Општина Карпош каде што децата ќе можат да пливаат и да се рекреираат.

Вие граѓаните одлучувате дали работите ќе се променат на подобро или Карпош ќе продолжи да тоне во ѓубре и смет.

Промените се во вашите раце, затоа ги повикуваме карпошани на 19 октомври да излезат и да гласаат за вистинскиот избор, за твојот човек, за твоето место, за твојата иднина, Сотир Лукровски и советничката листа предводена од ВМРО-ДПМНЕ.

Заокружи 9.