Еве каде ќе дува најсилно и колку ќе се качат температурите

Во најголемиот дел од земјата утре ќе преовладува претежно сончево време со мала до умерена локална облачност, информираат од Управата за хидрометеоролошки работи (УХМР). Во текот на денот ќе дува слаб до умерен ветер, а на некои места долж Повардарието повремено ќе засилува и ќе биде од северен правец.

Според прогнозата, минималните утрински температури ќе се движат од 2 степени во Маврово до 10 во Гевгелија, додека дневните максимални ќе достигнат од 14 степени во Маврово и Берово до 21 степен во Гевгелија.

Во Скопје се очекува сончево време со мала до умерена облачност. Ќе дува слаб до умерен, повремено засилен северен ветер, а температурата ќе се движи од 8 до 20 степени Целзиусови.

- Advertisement -

За петок, метеоролозите најавуваат сончево време со мала до умерена локална облачност, проследено со слаб до умерен ветер од северен правец. Температурите ќе се движат од 3 до 10 степени во утринските часови, а дневните ќе се искачат од 16 до 22 степени.

Во сабота, времето ќе биде сончево со мала до умерена облачност, со слаб до умерен, а на места долж Повардарието повремено засилен северен ветер. Минималните температури ќе се движат од 3 до 11 степени, а максималните дневни ќе бидат меѓу 14 и 21 степен.