Експлозии се слушнаа денеска во Париз и се запали комбе во близина на канцеларијата на францускиот премиер во заминување, само еден ден по неговата оставка

Експлозии се слушнаа денеска во Париз и се запали комбе во близина на канцеларијата на францускиот премиер во заминување, само еден ден по неговата оставка.

Сведоци пријавиле дека слушнале три експлозии во близина на хотелот Матињон, каде што Себастијан Лекорну требало да одржи состаноци по неговата оставка, објави Ле Парисиен.

Сликите од местото на настанот го покажуваат комбето во пламен додека службите за итни случаи се обидуваат да го локализираат пожарот. Локалните медиуми објавија дека пожарот бил ограничен на комбето и не се проширил на околните згради. Не е јасно што ги предизвикало експлозиите или пожарот.

- Advertisement -

Сликите споделени на социјалните медиуми покажуваат дека комбето припаѓа на компанија за јавно осветлување. Улицата „Ру де Варен“ е блокирана.

Францускиот премиер Лекорну вчера поднесе оставката, само неколку часа откако ги назначи своите министри и по само 27 дена на функцијата.

Лекорну денес треба да се обрати пред Националното собрание.

„Условите повеќе не беа исполнети за да можам да ги извршувам моите функции и да ѝ дозволам на владата да се појави пред Националното собрание утре“, рече Лекорну кога ја објави својата оставка.