Еден од најмасовните руски напади со дронови врз Украина, нападот ноќта меѓу 5 и 6 октомври, бил извршен со дронови кои содржеле повеќе од 100.000 компоненти произведени во САД, Германија, Кина, Јапонија и други земји, соопшти украинскиот претседател Володимир Зеленски.
Руската војска лансирала приближно 500 дронови и над 50 ракети кон урбани цели на украинска територија, пишува „Киев Индепендент“.
Според него, нападот предизвикал најмалку 6 жртви, вклучувајќи цело семејство, а ранети биле уште 18 лица.
– Дроновите содржеле точно 100.688 странски компоненти – истакна шефот на Киев.
Понатаму, украинскиот лидер прецизираше: во ракетите „Искандер“ биле вградени 1.500 странски делови, во ракетите „Кинжал“ 192, додека во „Калибр“ 405.
Најголемиот дел од овие технологии доаѓале од компании лоцирани во САД, Кина, Тајван, Велика Британија, Германија, Швајцарија, Јапонија, Јужна Кореја и од Холандија.
– Партнерите на Украина имаат детални податоци за секој производ и за секоја фирма – соопшти Зеленски.
Шефот на Украина нагласи дека Киев веќе подготвува нови санкции против сите што ѝ помагаат на Москва.
– Клучно е да се пресечат сите канали што ги заобиколуваат санкциите. Русија ги користи тие рупи за да продолжи да убива. Светот има сила да го сопре тоа – порача Зеленски.
Иако западните земји одамна го забраниле извозот на чувствителни компоненти со двојна намена, Русија, според украинските анализи, успешно се снабдувала преку шверц, посредници и паралелни извозни шеми.
Украинскиот комесар за санкции Владислав Власиук претходно посочил дека поголемиот дел од странските делови што биле пронајдени во руското оружје доаѓаат токму од Кина.
