Студено утро, ама Сонцето ќе се појави

Времето утре ќе биде променливо облачно со сончеви периоди, најавува Управата за хидрометеоролошки работи.

Ќе дува слаб до умерен ветер од северен правец, поизразен долж Повардарието.

Утрото ќе биде студено секаде, а најстудено ќе биде во Маврово, каде температурата ќе се спушти до минус 6 степени. Мраз се очекува и во Тетово и во Битола. Најтопло ќе биде во Гевгелија со дневна температура до 15 степени Целзиусови.

- Advertisement -

Во Скопје времето ќе биде променливо облачно, со сончеви периоди. Ќе дува слаб до умерен ветер од северен правец. Температурата ќе се движи од 2 наутро, до максимална до 1 степени.

Во недела кон крајот на денот и во понеделник ќе има повремени врнежи од дожд.

До среда ќе дува умерен до засилен северен ветер.