Пејачот Роби Вилијамс (51) ѝ откри на јавноста дека покрај веќе дијагностицираниот ADHD, страда и од друго нарушување.
Поп-ѕвездата Роби Вилијамс откри дека го доживува она што го нарекува „внатрешен Туретов синдром“, опишувајќи се себеси како „олимпиец во маскирање“ на невролошката состојба.
51-годишникот го сподели своето неодамнешно сознание во подкастот „Јас сум ADHD! Не, не си“.
Тој објасни: „Тукушто сфатив дека имам Туретов синдром, но тие не излегуваат. Пред некој ден шетав по улица и сфатив дека овие наметливи мисли се „внатрешен Туретов синдром“.
Туретов синдром, како што е дефиниран од NHS, вклучува ненадејни, повторувачки звуци или движења, познати како тикови, често предизвикани од фактори како што се стрес, возбуда или замор.
Пејачот, кој ја започна својата бритпоп турнеја во мај, исто така зборуваше за своето ментално здравје и за својата врска со настапувањето во живо на подкастот што го водеа велшкиот комичар Пол Вајтхаус и специјалистот за невронаука д-р Мајн Конкбајир.
Тој рече: „Би помислиле дека стадион полн со луѓе кои ви ја искажуваат својата љубов би функционирал, но што и да е, тоа во мене не може да го слушне“.
51-годишниот пејач се бори со Туретов синдром, што ја шокираше јавноста.
Вилијамс, кој претходно беше дијагностициран со ADHD и PTSD, се бореше и со зависност од алкохол и дрога, а неодамна беше тестиран и за аутизам.
Иако тестот беше негативен, тој откри дека има „аутистични особини“, вклучувајќи вознемиреност што ја чувствува кога ја напушта безбедноста на својот кревет.
Во многу приватно интервју за подкастот „Јас сум ADHD! Не, ти не си“, пејачот исто така призна дека турнеите сè уште го ужаснуваат, и покрај неговите бројни распродадени настапи на стадиони, прво како член на машкиот бенд Take That, а подоцна и како соло изведувач.
– Имам многу комплициран однос со турнеите и настапите во живо. Луѓето велат: „О, одиш на турнеја? Мора да си навистина, навистина возбуден.“ Не баш. Преплашен сум. Се маскирам, како да сум олимпиец во маскирањето. Изгледам полн со дрскост и изгледам помпезно и изгледам самозадоволен и ги правам овие големи гестови, кои ми успеаја бидејќи го ставија моето лице на постерот и луѓето сè уште купуваат билети, но всушност ,она што се случува е дека се чувствувам спротивно од тоа цело време, поголемиот дел од времето – вели тој.
